संविधान जागर व प्रस्ताविकेचे वाचन करुन संविधान दिन उत्साहात साजरा

प्रतिनिधि आलिबाग

रायगड दि.28 :- संविधान दिनानिमित्त सहाय्यक आयुक्त समाज कल्याण रायगड, अलिबाग कार्यालयामार्फत (दि.२६ नोव्हेंबर २०२३) रोजी डॉ.बाबासाहेब आंबेडकर यांच्या पुतळयाजवळ संविधान जागर व प्रस्ताविकेचे वाचन करुन संविधान दिन उत्साहात साजरा करण्यात आला असल्याची माहिती सहाय्यक आयुक्त,समाज कल्याण,रायगड सुनिल जाधव यांनी दिली आहे.यावेळी सहाय्यक आयुक्त,समाज कल्याण, रायगड-अलिबाग या कार्यालयातील कर्मचारी कार्यालय अधिक्षक श्रीमती माधुरी पाटील, समाज कल्याण

निरीक्षक अंकुश पोळ, कनिष्ठ लिपीक श्रेयश खरोटे, नियमित व बाहयस्त्रोत कर्मचारी तसेच मागासवर्गीय मुलांचे शासकीय वसतिगृह अलिबाग व मागासवर्गीय व आर्थिकदृष्टया मागास मुलीचे शासकीय वसतिगृह अलिबाग या दोन्ही वसतिगृहातील गृहपाल श्री एस.एफ. कदम व श्रीमती यु.एस. गुजेला उपस्थित होते.सर्वप्रथम सदर कार्यालयाचे कर्मचारी श्रीमती माधुरी पाटील, अंकुश पोळ तसेच वसतिगृह गृहपाल एस.एस.कदम व श्रीम यु.एस. गुजेला यांनी एकत्रित डॉ.बाबासाहेब आंबेडकर यांच्या पुतळयाला पुष्पहार अर्पण केले. तसेच सर्व अधिकारी/कर्मचारी व विद्यार्थी, विद्यार्थीनींनी प्रास्ताविकेचे सामुहीक वाचन केले. तसेच वरील सर्व कर्मचारी व विद्यार्थी संविधान जागर यात्रेमध्ये मोठया उत्साहाने सहभाग घेतला. या संविधान जागर यात्रेची सुरुवात डॉ. बाबासाहेब आंबेडकर यांच्या पुतळयाजवळून सुरु होवून सांगता जिल्हाधिकारी कार्यालय रायगड कार्यालयाजवळ करण्यात आली.