तंबाखूविरोधी दिनानिमित्त ‘जीवन धारा’ संस्थेच्या फुटबॉल स्पर्धेला उत्स्फूर्त प्रतिसाद

प्रतिनिधी

मुंबई :- २९ मे जीवन धारा’ संस्थेच्या वतीने जागतिक तंबाखूविरोधी दिनाच्या पार्श्वभूमीवर आयोजित करण्यात आलेल्या फुटबॉल स्पर्धेचा अंतिम सामना  खेळवण्यात आला. या उपक्रमाला युवक युवतींनी मोठ्या उत्साहात सहभाग नोंदवून तंबाखूविरोधी संदेश दिला. या फूटबॉल स्पर्धेत युवक युवती अशा एकूण १७ संघांनी सहभाग घेतला होता.स्पर्धेचा अंतिम सामना रंगतदार ठरला. खेळाडूंनी उत्कृष्ट खेळी करत प्रेक्षकांची मने जिंकली. या स्पर्धेचे मुख्य उद्दिष्ट तरुणांमध्ये तंबाखूविरोधी जनजागृती निर्माण करणे हे होते. खेळाच्या माध्यमातून आरोग्यपूर्ण जीवनशैलीचा संदेश देणं, हे ‘जीवन धारा’चे

ध्येय या उपक्रमातून अधोरेखित झाले.संस्थेचे मुख्य कार्यकारी अधिकारी श्रीमती शोभा बाजपई डिसल्वा यांनी सांगितले, “तरुणांमध्ये तंबाखूच्या व्यसनांविषयी जागरूकता निर्माण होणं अत्यंत गरजेचं आहे. खेळ हे त्यासाठी प्रभावी माध्यम ठरू शकतं. या स्पर्धेच्या माध्यमातून आम्ही आरोग्य, संघभावना आणि सामाजिक बांधिलकी या मूल्यांना प्रोत्साहन देत आहोत.स्पर्धेनंतर विजेत्या आणि उपविजेत्या संघांना प्रमाणपत्रे व पारितोषिके देण्यात आली. यावेळी स्थानिक माजी नगरसेवक मोहम्मद शिराज, समाजसेवक विशाखा, मिसेस डे व पालकांचीही उपस्थिती लक्षणीय होती.’जीवन धारा’चा हा उपक्रम युवकांमध्ये आरोग्याविषयी जागरूकता निर्माण करणारा एक सकारात्मक पाऊल ठरला आहे.

Advertising Space