चंद्रशेखर कामथे यांची रायगड जिल्ह्याच्या विधी न्यायालयाच्या कक्ष प्रमुखपदी निवड

रायगड (रोहा) :- नागोठणे गावाच्या शिरपेचामध्ये अजून एक मानाचा तुरा रोवला गेला आहे.नागोठणे आंगरआळी येथील ॲड. चंद्रशेखर चंद्रकांत कामथे यांची सर्वोच्च न्यायालयाच्या वतीने रायगड जिल्हा विधी सहाय्य बचाव कक्ष प्रणालीच्या उपमुख्यपदी निवड करण्यात आलेली आहे.

ॲड.ए.एस.शेख सर्वोच्च न्यायालयाचे न्यायमुर्ती यांच्या शुभहस्ते विधी सहाय्य बचाव कक्ष प्रणालीचे उद्घाटन मुंबई येथे करण्यात आले होते.त्यांच्या आदेशानुसार दि.१३ मार्च,२०२३ पासुन रायगड जिल्ह्यातील विधी सहाय्य बचाव कक्ष प्रणालीची सुरुवात करण्यात आलेली आहे.

ॲड.चंद्रशेखर कामथे हे आपल्या वडिलांप्रमाणे शांत,व हुशार स्वभावाचे आहेत.आपल्या वकीली व्यवसायाबरोबर सामाजिक कार्याची आवड असणारे कामथे यांच्यावर शासनाने नवीन जबाबदारी सोपविली आहे. या विधी कमिटीमध्ये अन्य चार लोकांचीही नेमणुक करण्यात आलेली आहे.ॲड.कामथे यांच्यावर नागोठणे तसेच संपूर्ण जिल्ह्यातुन अभिनंदनाचा वर्षाव होत आहे.

Advertising Space