जिल्हा परिषद शाळा बासेचे शिक्षक रवींद्र पडवळ यांना केंद्रस्तरीय आदर्श शिक्षक पुरस्कार प्रदान….

प्रतिनिधी

ठाणे (भिवंडी) :- तालुक्यातील बासे येथील जिल्हा परिषद शाळेत कार्यरत असलेले शिक्षक रवींद्र पडवळ यांना शिक्षण क्षेत्रातील उल्लेखनीय कार्याबद्दल केंद्रस्तरीय आदर्श शिक्षक पुरस्काराने सन्मानित करण्यात आले आहे. त्यांच्या या यशाबद्दल परिसरात आनंदाचे वातावरण आहे आणि विविध स्तरातून त्यांचे अभिनंदन केले जात आहे.याबाबत सुनील लक्ष्मी गणपत लोणे, माजी उपसरपंच, ग्रुप ग्रामपंचायत शिरोळे; माजी अध्यक्ष, शाळा

व्यवस्थापन समिती बासे; तसेच कार्याध्यक्ष – भूमिपुत्र एल्गार संघटना, महाराष्ट्र यांनी रवींद्र पडवळ यांचे विशेष अभिनंदन केले. त्यांनी त्यांच्या सातत्यपूर्ण परिश्रमाचे, विद्यार्थ्यांप्रती असलेल्या निष्ठेचे आणि शिक्षण क्षेत्रातील उल्लेखनीय योगदानाचे कौतुक केले.रवींद्र पडवळ सर यांनी शिक्षक म्हणून कार्य करताना विद्यार्थ्यांच्या सर्वांगीण विकासावर विशेष भर दिला आहे. केवळ पाठ्यपुस्तक शिक्षणापुरते मर्यादित न राहता विद्यार्थ्यांमध्ये शिस्त, संस्कार, आत्मविश्वास आणि शिक्षणाबद्दलची आवड निर्माण व्हावी यासाठी त्यांनी विविध शैक्षणिक उपक्रम राबवले आहेत. ग्रामीण भागातील विद्यार्थ्यांना दर्जेदार शिक्षण मिळावे आणि त्यांचे भविष्य उज्ज्वल व्हावे, यासाठी ते सातत्याने प्रयत्नशील राहतात त्यांच्या अध्यापनातील साधेपणा, संयम आणि विद्यार्थ्यांप्रती असलेली आत्मीयता यामुळे विद्यार्थी, पालक आणि ग्रामस्थ यांच्यामध्ये त्यांच्याबद्दल विशेष आदर निर्माण झाला आहे. त्यांच्या मार्गदर्शनामुळे अनेक विद्यार्थ्यांनी शैक्षणिक प्रगती साधली असून शाळेचा शैक्षणिक दर्जाही उंचावला आहे.केंद्रस्तरीय आदर्श शिक्षक पुरस्कार हा त्यांच्या दीर्घकाळाच्या परिश्रमांचा आणि समर्पित सेवाभावाचा गौरव आहे. त्यांच्या या यशामुळे जिल्हा परिषद शाळा बासे तसेच संपूर्ण परिसराचे नाव अभिमानाने उजळले आहे.