प्रतिनिधी प्रदीप मोरे 

रायगड (रोहा) :- दि. १८ फेब्रुवारी ते १८ मार्च या कालावधीत श्री छत्रपती संभाजी महाराज बलिदान मास निमित्त कोलाड–रोहा–रायगड परिसरात विविध धार्मिक, सांस्कृतिक व प्रेरणादायी कार्यक्रमांचे आयोजन करण्यात आले आहे.ही उपक्रममालिका श्री शिवप्रतिष्ठान हिंदुस्थान व सकल हिंदू समाज, कोलाड पंचक्रोशी यांच्या संयुक्त विद्यमाने आजपासून उत्साहात प्रारंभ झाली.मराठा साम्राज्याचे पराक्रमी द्वितीय छत्रपती छत्रपती संभाजी महाराज

यांच्या अद्वितीय शौर्य, धर्मनिष्ठा व बलिदानाची आठवण जागवण्यासाठी हा बलिदान मास दरवर्षी साजरा केला जातो. या महिन्यात व्याख्याने, प्रभात फेऱ्या,धर्मजागृती कार्यक्रम तसेच युवकांसाठी प्रेरणादायी उपक्रम आयोजित करण्यात येणार आहेत.आज कोलाड येथे भगव्या ध्वजाच्या साक्षीने आणि जयघोषात कार्यक्रमाचा शुभारंभ झाला. मोठ्या संख्येने शिवभक्त व हिंदू बांधव उपस्थित होते.आयोजकांनी सर्व हिंदू समाजबांधवांना बलिदान मासातील विविध कार्यक्रमांमध्ये सहभागी होण्याचे आवाहन केले आहे.

Advertising Space