रायगड किल्ले ते आळंदी देवाची बस सेवा शुभारंभ: शिवभक्तांच्या वर्षानुवर्षाची मागणी पूर्ण

प्रतिनिधी

रायगड :- शिवशाहीर ह. भ. प. आकाश महाराज भोडवे पाटील यांच्या नेतृत्वाखालील स्वराज्य प्रतिष्ठान हिंदुस्थानच्या प्रयत्नांमुळे रायगड ते आळंदी देवाची बससेवा सुरू करण्यात आली आहे. माननीय आमदार भरत शेठ गोगावले यांनी यासाठी दिलेला शब्द अखेर पूर्ण केला आहे.ही बससेवा सुरू करण्यासाठी शिवभक्तांनी दीर्घकाळ प्रयत्न केले होते. रायगडावर उपोषण करून अखेर ही सेवा

सुरू करण्यात आली. ३२ वर्षांपासून शिवजयंती साजरी करण्यासाठी सातत्याने येणारे महेश स्वामी जंगम(रोहा) यांनी यावेळी बसची पूजा करून प्रवासाचा शुभारंभ केला.ही बससेवा सुरू झाल्यामुळे शिवभक्तांसाठी रायगड ते आळंदी देवाची प्रवास सुलभ झाला आहे, आणि यामुळे हजारो भक्तांना शिवतीर्थापासून संतांचे माहेरघर आळंदीपर्यंतचा प्रवास करणे सोयीचे झाले आहे.

Advertising Space