भडगाव शेवरवाडीतील विठ्ठल रखुमाई मंदिरात बाल भाविकांनी घेतला दर्शनाचा लाभ

रत्नागिरी (खेड) : – शहराजवळील भडगाव शेवरवाडी येथील विठ्ठल रखुमाई मंदिरात गुरुवारी सकाळी आषाढी एकादशी निमित्त बाल भाविकांनी दर्शनासह प्रसादाचाही लाभ घेतला.

सकाळी भडगाव येथील अंगणवाडी व जिल्हा परिषद शाळेतील विद्यार्थी आणि विध्यार्थिनींनी आपल्या गुरुजणांसह बाल भाविकांच्या वेषभुषेत मंदिरात येऊन विठ्ठल रखुमाईचे दर्शन घेऊन प्रसादाचाही लाभ घेतला. यावेळी शिवसेना शिंदे गटाचे शाखाप्रमुख श्री. किरण डफळे व त्यांचे सहकारी कार्यकर्ते सचिन सकपाळ , सुरेंद्र मोगरे , सुरज मोगरे , रणजित सकपाळ , योगेश सकपाळ , संदेश इंगळे, अक्षय लाखम , दिनेश डफळे व विठ्ठल रखुमाई देवस्थान मंडळाचे अध्यक्ष महादेव जाबरे यांच्यासह पुजारी श्री. अनंत शिगवण व ग्रामस्थ आणि महिला मंडळाच्या वतीने जि. प. भडगाव उसरेवाडी मुख्याध्यपिका सौ. काताळे , उसरेवाडी अंगणवाडी सेविका सौ. संगीता उसरे , शेवरवाडी अंगणवाडी सेविका सौ. जिजाबाई कोकरे , जि. प. उसरेवाडी शाळेच्या शालेय व्यवस्थापन समिती अध्यक्षा सौ. नंदिनी सकपाळ यांच्यासह बाल भाविकांच्या वेषभुषेत असलेल्या सर्व विद्यार्थी विध्यार्थिनींचे स्वागत केले व समाधान व्यक्त केले.यावेळी बाल भाविक व उपस्थित असलेल्या सर्वांना राजगिरा लाडूचे वाटप करण्यात आले.यावेळी विठ्ठल रखुमाई देवस्थान मंडळाच्या ग्रामस्थ व महिला मंडळाने केलेल्या स्वागताने आपण भारावून गेल्याचे जि. प. उसरेवाडी शाळेच्या मुख्याध्यापिका व सहकारी यांनी सांगितले.मंदिरात वर्षभर विविध कार्यक्रम केले जात असतात. या कार्यक्रमानिमित्त येथील ग्रामस्थ व महिला वर्गाची एकजूट वाखाणन्याजोगी असते. आषाढी एकादशी निमित्त पंचक्रोशीतील आबालवृद्ध भाविक दर्शनाचा लाभ घेत असतात.