संत निरंकारी मंडळाच्या वतीने वृक्षारोपण

रत्नागिरी (खेड):- संत निरंकारी मंडळाच्या वतीने रक्तदान,आरोग्य शिबीर, स्वछत्ता अभियान असे अनेक मानवतावादी कार्यक्रम आयोजित केले जातात,त्याचाच एक भाग म्हणून वृक्षरोपण व संगोपन हा पर्यावरणाला पूरक कार्यक्रम दरवर्षी आयोजित केला जातो.

संत निरंकारी मंडळ शाखा खेड च्या वतीने दि.२१ऑगस्ट रोजी सदर कार्यक्रम खेड तालुक्यातील कळबणी येथील गावदेवी मंदीरात राबवण्यात आला .

या मध्ये वेगवेगळ्या प्रकारची १०० झाडे लावण्यात आली.ज्या प्रमाणे अनेक जातींची झाडे एकत्र वाढतात,आनंदाने राहतात त्या प्रमाणे माणसाने सुध्दा एकत्वाने रहावे हा वन नेस वन कार्यक्रमाचा मुख्य उद्देश आहे,असे मंडळाचे तालुका प्रमुख बळिराम शिंदे यांनी सांगितले.

या कार्यक्रमासाठी निरंकारी अनुयायी व गावातील माजी जिल्हा परिषद सदस्य महिपत पाटणे, माजी पंचायत सदस्य शांताराम म्हसकर,दत्ता येरापले,भारत आयरे,काशिराम सुतार उपस्थित होते.दीपक बुरटे,भगवान साळुंखे व बळिराम शिंदे यांनी या कार्यक्रमाचे नियोजन केले होते.

Whatsapp आयकॉन दाबून ही बातमी शेअर करा

Advertising Space

मुक्त आणि खऱ्या पत्रकारितेसाठी ती कॉर्पोरेट आणि राजकीय नियंत्रणापासून मुक्त असणे आवश्यक आहे. लोक पुढे येऊन सहकार्य करतील तेव्हाच हे शक्य आहे. आता दान करा