मावळा संघटने’चा शिवजयंती उत्सव दिमाखात साजरा; वक्तृत्व स्पर्धेने वाढवली कार्यक्रमाची शोभा.

प्रतिनिधी दिलीप करकरे

रायगड (माणगाव ) :- मावळा संघटना’ शिरवणे ता. श्रीवर्धन, जि. रायगड यांच्या वतीने शिवजयंती उत्सव पर्व ७ अत्यंत उत्साहात आणि दिमाखदार सोहळ्यात संपन्न झाले. दरवर्षीप्रमाणे यंदाही छत्रपती शिवाजी महाराज यांच्या जन्मोत्सवाचे औचित्य साधून विविध सामाजिक आणि सांस्कृतिक कार्यक्रमांचे आयोजन करण्यात आले होते. या विशेष सोहळ्यासाठी ‘अखंड संघर्ष प्रतिष्ठान’ ग्रामस्थ मंडळ,महिला मंडळ आणि मुंबई मंडळ यांचे मोलाचे सहकार्य लाभले.वक्तृत्व स्पर्धेने वेधले लक्ष:यावर्षीच्या उत्सवाचे मुख्य आकर्षण म्हणजे संघटनेने आयोजित केलेली ‘वक्तृत्व स्पर्धा’. या

स्पर्धेमुळे कार्यक्रमाला एक वेगळेच वैचारिक रूप प्राप्त झाले. लहानांपासून थोरांपर्यंत अनेक स्पर्धकांनी शिवरायांच्या जीवनकार्यावर प्रखर विचार मांडले, ज्याने उपस्थितांची मने जिंकली.शिस्त आणि नियोजनाचा आदर्श:संपूर्ण सोहळा अत्यंत शिस्तबद्ध पद्धतीने पार पडला. उत्सवाचे नियोजन आणि व्यवस्थापन इतके चोख होते की, उपस्थित नागरिकांनी मावळा संघटनेच्या कार्यकर्त्यांचे विशेष कौतुक केले. शिवजयंती उत्सव केवळ जल्लोषापुरता मर्यादित न ठेवता, तो विचारांचा वारसा पुढे नेणारा ठरावा, हा संघटनेचा हेतू यानिमित्ताने यशस्वी होताना दिसला.कार्यकर्त्यांचे अभिनंदन:हा उत्सव यशस्वी करण्यासाठी अहोरात्र मेहनत घेणाऱ्या मावळा संघटनेच्या प्रत्येक सदस्याचे, अखंड संघर्ष प्रतिष्ठानच्या सहकाऱ्यांचे आणि हातभार लावणाऱ्या हितचिंतकांचे सर्वस्तरातून अभिनंदन होत आहे. “प्रत्येकाचे कौतुक करावे तेवढे थोडेच आहे,” अशा भावना यावेळी व्यक्त करण्यात आल्या.