हिरकपंख राज्य पुरस्कार परीक्षेत अस्तान नं. १ शाळेतील विद्यार्थ्यांनींचे घवघवीत यश

रत्नागिरी (खेड)–राज्यस्तरीय स्काऊट गाईड अंतर्गत जिल्हा परिषद शाळा अस्तान नं. १ शाळेत स्काऊट गाईड अंतर्गत कब व बुलबुल युनिट स्थापन केले असून या प्रशालेतील राणी लक्ष्मीबाई बुलबुल युनिट मधील इयत्ता तिसरी मधील विद्यार्थिनी सन २०२१/२०२२मध्ये घेण्यात आलेल्या हिरकपंख राज्य पुरस्कार परीक्षेसाठी प्रविष्ठ

झाल्या होत्या. ही परीक्षा माध्यमिक शिक्षक पतपेढी, रत्नागिरी येथे दिनांक २८/०३/२०२२ ते ३०/०३/२०२२ या कालावधीत घेण्यात आली होती. सदर परीक्षेमध्ये अस्तान नं .१ शाळेतील कु.गौरी संतोष चव्हाण, कु.साक्षी विजय सावंत, कु. प्राची राजेंद्र मोरे, कु.प्रणिता पांडुरंग आखाडे , कु. अनुष्का संतोष चव्हाण, कु. आर्या अनिल तांबे, कु. ऋतुजा मनोज तांबे, कु.सृष्टी कुंदन जाधव, कु . आसावी दत्ताराम मोरे, कु. संचीता दत्ताराम मोरे, कु.ज्योती जनार्दन आखाडे या विद्यार्थिनी उत्तीर्ण झाल्या आहेत.

विद्यार्थ्यांनींना प्रशिक्षक व अस्तान नं. १ शाळेच्या शिक्षिका श्रीमती अर्चना पालकर यांचे मोलाचे मार्गदर्शन लाभले. यशस्वी विद्यार्थ्यांनींचे माजी जि. प. सदस्या दर्शना मोरे शाळेचे मुख्याध्यापक सुधाकर शिर्के शाळा व्यवस्थापन समिती अध्यक्षा अनिशा तांबे शिक्षक, ग्रामस्थ व शाळा व्यवस्थापन समितीने अभिनंदन केले व पुढील वाटचालीस शुभेच्छा दिल्या.

Advertising Space