नवी मुंबई पोलीस आयुक्त बिपीन कुमार सिंह यांनी वार्षिक तपासणी अनुषंगाने पनवेल तालुका पोलीस ठाण्यात भेट दिली

रायगड {पनवेल }– पनवेल तालुका पोलीस ठाण्याचे गुन्हे शोध व इतर सर्व कामकाज कौतुकास्पद असून कायदा व सुव्यवस्थेच्या माध्यमातून गुन्हेगारी नियंत्रणात असल्याचे प्रतिपादन नवी मुंबई पोलीस आयुक्त बिपीनकुमार सिंह यांनी वार्षिक तपासणी अनुषंगाने पनवेल तालुका पोलीस ठाण्यास भेट दिली असता केले.

यावेळी पोलीस आयुक्त श्री. बिपीन कुमार सिंह यांचे स्वागत परिमंडळ -०२ चे पोलीस उपायुक्त श्री. शिवराज पाटील ,सहा. पोलीस आयुक्त श्री. भागवत सोनावणे,वपोनि श्री. रवींद्र दौंडकर तसेच इतर अधिकारी वर्गांनी केले. तसेच श्री. बिपीन कुमार सिंह यांनी संपूर्ण पोलीस ठाण्याची पाहणी केली तद्नंतर पनवेल तालुका पोलीस ठाणेतील सर्व अधिकारी, अंमलदार यांची एकत्रित बैठक आयोजित करून त्यांच्या अडीअडचणी ऐकून घेऊन त्या सोडविण्याचे उपस्थितांना आश्वासन दिले . पोलीस ठाणे हद्दीतील सर्व पोलीस पाटील बंधू, भगिनींची मंथन हॉल येथे बैठक आयोजित करून त्यांना कायदा व सुव्यवस्था अबाधित ठेवण्यासाठी त्यांची नेमकी काय भूमिका असायला पाहिजे कसे कामकाज करायला हवे ?यावर योग्य ते मार्गदर्शन केले. तसेच पोलीस ठाणे मधील किमती व साधारण मुद्देमालाचे निरक्षण करून संपूर्ण अभिलेख तपासून

पोलीस ठाणेचे एकंदरीत कामकाजाबाबत समाधान व्यक्त केले व यापुढेही अशीच कामगिरी ठेवण्याच्या सूचना दिल्या.पनवेल तालुक्याचा परिसर व तेथील स्वछता, नीटनेटकेपणा ,कामकाजाची पद्दत , गुन्ह्यांची केलेली उकल या सर्व गोष्टीबाबत वपोनि श्री. रवींद्र दौंडकर यांचे नवी मुंबई पोलीस आयुक्त बिपीनकुमार सिंह यांनी खास करून कौतुक केले .