शिवसेना पनवेल महानगरप्रमुखपदी एकनाथ म्हात्रे तर विश्वास पेटकर यांची तालुकाप्रमुखपदी नियुक्ती

पनवेल :- राज्यात शिंदे सरकारच्या स्थापने नंतर रामदास शेवाळे यांनी मुख्यमंत्री एकनाथ शिंदे यांना उघड समर्थन दर्शविल्याने शिवसेना पक्ष प्रमुख उद्धव ठाकरेयांच्या आदेशानुसार एकनाथ म्हात्रे यांची शिवसेना पनवेल महानगरप्रमुखपदी नियुक्ती करण्यात आली आहे. तसेच भरत पाटील यांची पनवेल विधानसभा क्षेत्रासाठी उपजिल्हाप्रमुख म्हणून नियुक्ती करण्यात आली आहे.

याशिवाय दोन दिवसांपूर्वी विश्वास पेटकर पनवेल तालुकाप्रमुखपदी नियुक्ती करण्यात आली आहे.एकनाथ शिंदे यांच्या बंडानंतर पक्षप्रमुख उद्धव ठाकरेयांनी पक्षाच्या बैठका घेण्यास सुरुवात केली असून काही ठिकाणी नव्याने नियुक्त्या करण्यात येत आहेत. या पार्श्वभूमीवर भरत पाटील यांची उपजिल्हाप्रमुखपदी, एकनाथ म्हात्रे यांची पनवेल महानगरप्रमुखपदी, विश्वास पेटकर यांची पनवेल तालुकाप्रमुखपदी नियुक्ती करण्यात आली आहे. याशिवाय पनवेल महापालिका क्षेत्रातील नवीन पनवेल,खांदा कॉलनी, खारघर, तळोजा येथील पदाधिकाऱ्यांच्या नियुक्तया करण्यात आल्या आहेत.

Advertising Space