जागतिक महिला दिनानिमित्त सेवा गौरव पुरस्काराने सामाजिक कार्याचा सन्मान!

प्रतिनिधी

ठाणे:- फांगणे येथील कै. मोतीराम गणपत दलाल चॅरिटेबल ट्रस्ट संचलित जगातील पहिली आजीबाई शाळा यांच्या वतीने जागतिक महिला दिनाच्या निमित्ताने सेवा गौरव पुरस्कार प्रदान करण्यात आला. समाजातील वंचित, दुर्लक्षित आणि गरजू घटकांसाठी सातत्याने केलेल्या सेवाकार्याची दखल घेत हा पुरस्कार देऊन सन्मान करण्यात आला.या प्रसंगी पुरस्कार स्वीकारताना सामाजिक बांधिलकी जपण्याचा संकल्प व्यक्त करण्यात आला. मान-सन्मान, कौतुक, सत्कार आणि पुरस्कार यांच्या पलीकडे जाऊन एक व्यक्ती म्हणून समाजातील वंचित, दुर्लक्षित आणि गरजू घटकांसाठी जे काही शक्य आहे ते करत राहण्याचा निर्धार व्यक्त करण्यात

आला.टीम परिवर्तन आणि अंघोळीची गोळी संस्थेच्या वतीने सुरू असलेल्या विविध सामाजिक उपक्रमांमध्ये तन, मन आणि धन या स्वरूपात सहभागी होणाऱ्या सर्व सहकाऱ्यांप्रती कृतज्ञता व्यक्त करण्यात आली. या सेवाकार्यात मोलाचे योगदान देणाऱ्या सर्वांचे सहकार्य महत्त्वाचे असल्याचेही नमूद करण्यात आले.तसेच, या सेवाकार्यात सहभागी होऊन कोणत्याही प्रकारचे योगदान देण्याची इच्छा असलेल्या नागरिकांनी संपर्क साधावा, असे आवाहनही यावेळी करण्यात आले.

Advertising Space